Израелскиот претседател Исак Херцог им се обраќа на поклониците на ICEJ за време на празникот

На годишната Ноќ на израелски гости и прозивка на народите во Меѓународната христијанска амбасада во Ерусалим, што претставува клучен момент од прославата на Празникот Сеници (Сукот), претседателот на Државата Израел, Исак Херцог, присуствуваше како почесен гостин и го одржа главното обраќање.

Овој значаен настан ги собра христијанските аџии од над 70 земји, заедно со израелските гости, во знак на солидарност со Израел.

За време на својот говор, претседателот Херцог топло ја призна непоколебливата поддршка од глобалната христијанска заедница и ја нагласи трајната врска меѓу Израел и оние што го сакаат Сион. Вечерта беше претставена популарната прозивка на народите, додека претставниците на народите присутни на Празникот ги парадираа своите знамиња во живописен приказ на единство. 

Еве го обраќањето на претседателот Херцог:

Драги пријатели и љубители на Сион, денес се собравте од повеќе од осумдесет нации. Тука во Ерусалим, градот на молитвата, градот на мирот и градот Божји, чие име значи мир. Верата и благодатта го доведоа секој од вас да ја допре оваа света земја, како жив доказ за зборовите на пророците: „И ќе се случи, секој што ќе остане од сите народи… ќе се искачи… да му се поклони на Царот… и да го прослави Празникот на Сениците.“

Не е случајно, пријатели, што се собравте овде во одлучувачки момент во историјата на овој регион. Вие, љубители на Сион, пристигнавте овде на раскрсница на која изборот за благослов или проклетство, за живот и слобода или смрт и уништување, е поставен пред нас.

Секако, вашата љубов кон Израел не е нова. Со децении, вашата амбасада во Ерусалим, ICEJ, е глобален глас на христијанско пријателство, солидарност и акција за Израел. Кога другите го напуштија Ерусалим, вие дојдовте и рековте, како Авраам, “Хинени“(Тука сум-евр.): „Ние сме тука. Ние стоиме со државата Израел, со народот Израел и со Светиот Град.“

Во нашиот најтемен час, точно пред две години, на 7 октомври, вие зачекоривте напред со храброст. Ги повикавте вашите срца и вашата вера да им помогнете на народот Израел во земјата Израел. И вашата грижа допре до толку многумина и направи толку многу добро. Ви благодарам.

Низ целиот свет, вие се спротивставивте на антисемитизмот, спротивставувајќи се на лагите и клеветите за Израел, ја ширите вистината за еврејската држава, се молите и се борите за нашите заложници, кои страдаат ужасно, и дозволувате јазикот на љубовта да се спротивстави на омразата.

Во името на државата и народот Израел, како претседател на државата Израел, сакам да ви се заблагодарам на сите вас. Вие сте извор на сила, на утеха и на светлина во период на огромна темнина.

Драги пријатели, во деновите на овој празник, ќе марширате низ Ерусалим и ќе ги оживеете зборовите од Псалмите: „Молете се за мирот на Ерусалим; нека бидат безбедни оние што ве сакаат“. И, всушност, иако секогаш ќе правиме што е потребно за да ги заштитиме луѓето и да ја одржиме нашата земја безбедна, нашите раце остануваат испружени за мир. Никогаш нема да ја напуштиме визијата за регион каде што децата на Авраам можат да живеат и да живеат заедно во мир.

Знаеме дека зборовите на псалмистот: „Барајте мир и тежнејте кон него“, не се само сон, туку и барање од нас - да преземеме секаква акција за да го оствариме. Историскиот “Авраамски договор“, постигнат пред пет години од претседателот Трамп, ја отвори вратата кон нова иднина на толеранција, разбирање и партнерство во регионот. Тука и сега, во овој момент, претседателот Трамп предложи сеопфатен план за ставање крај на војната, ослободување на сите наши заложници и даде хоризонт на надеж за мир во овој регион. Јас сум крајно благодарен за тоа и му се заблагодарувам.

Длабоко верувам дека заедно со нашиот најголем сојузник, Соединетите Американски Држави, и нашите пријатели и партнери низ целиот свет, можеме да обликуваме иднина на мир и благослов за светот.

Ги поздравувам преговарачките тимови во Египет и се молам тие да посредуваат во договор што е можно поскоро што ќе ги врати нашите синови и ќерки, од пеколот, дома.

Сакам да му се заблагодарам на ICEJ, на неговиот претседател, д-р Јирген Билер

Израелскиот претседател Исак Херцог и претседателот на ICEJ, д-р Јирген Билер, се поздравуваат на Сеници 2025.

и на неговиот одличен тим. И на христијанските ционистички заедници низ целиот свет. И сакам да му се заблагодарам на секој од вас што го направи ова поклонение со тело, срце и дух во Израел. И на оние што ни се придружуваат сега од целиот свет.

Нека ве благослови Бог што го благословувате Израел. Нека го благослови Ерусалим. Нека ги врати нашите заложници дома, што е можно поскоро. И нека го прошири својот шатор, својот крошна, својот сука на мирот, над сите што ја сакаат оваа земја.

Ви благодарам.