Амбасадата инсталира нови алармни системи во израелските градинки

Од Нативија Самуелсен Билер

Со оглед на тоа што тензиите се’ се уште високи и ракетите повремено се лансирани кон јужен Израел од блиската Газа, потребата од специјални звучни аларми во локалните градинки станува сè поитна. Неодамна во регионот Хоф Ашкелон над Газа, персоналот на ICEJ посети две градинки каде што се инсталирани нови алармни системи за рано предупредување, благодарение на нашите христијански поддржувачи. Ова е дел од пошироката иницијатива за подобрување на безбедноста во сите 23 градинки во пограничниот регион на Газа.

Бевме придружувани од Јигал, регионалниот службеник за безбедност одговорен за образовните институции. Неговата работа е да обезбеди училиштата и градинките да се придржуваат до безбедносните прописи и да ги задоволуваат специфичните потреби на децата за време на кризи.

„За мене беше важно овие аларми да бидат одвоени од алармите во  кибуците или во заедницата“, објасни Јигал. „На места како градинките, особено во текот на летото кога децата се претежно внатре, градските аларми честопати не се слушаат. Овие аларми во зградата го привлекуваат вниманието на наставниците и учениците, давајќи им време веднаш да се засолнат.“

Секоја возрасна група во секоја градинка доби свој посебен алармен систем, вкупно 46, сите донирани од ICEJ-Финска и ICEJ-Јужна Африка. Системите беа активирани, а Никол Јодер, потпретседател на AID & Aliyah, постави плакета со посвета за да потсети дека христијанските пријатели низ целиот свет се грижат за локалните израелски жители.

Нашата прва посета беше во кибуцот Мавки'им, каде што ја запознавме Рена, посветена наставничка во средината на водењето летен камп со 26 мали деца.

„Тука станува навистина бучно“, ни рече таа со насмевка. „Особено во лето, со сите внатрешни активности и климатизацијата, не можеме секогаш да го чуеме надворешниот аларм.“

Таа покажа кон нивната безбедна соба, позната локално како „Snoozeland“, специјално дизајнирана за смирување и утеха на децата за време на вонредна состојба.

„Досега не моравме да го користиме алармот во градинката, но самото знаење дека е таму ни дава душевен мир.“

Потоа, отпатувавме до градинката во Зиким. Таму, Галит, еден од членовите на персоналот, нè пречека  и покрај тоа што жонглираше со активностите од летниот камп, кои вклучуваа забавна сесија за дресура на кучиња со пудлица.

„Имавме околу 15 или 16 деца, некои внатре, некои надвор“, рече таа. „Кога сега ќе се вклучат алармите, благодарение на новоинсталираниот внатрешен систем, всушност можеме да го чуеме и веднаш да се засолниме.“

„За време на последниот аларм што го имавме, немаше да го чуеме редовниот градски аларм одвнатре“, додаде таа. „Направи огромна разлика и ни овозможи да стигнеме на безбедно на време.“

На трета локација, Мошав Талмеи, ICEJ неодамна обезбеди специјализиран ATV и опрема за гаснење пожар за да ги зајакне можностите за прв одговор. На возилото беа додадени знаци за да се признае подарокот, кој дојде преку дарежливи донации од нашите австралиски поддржувачи. Овие практични алатки се неопходни за заедниците кои често мора да се потпираат на сопствените ресурси во тие драгоцени први минути од кризата.

Се молиме овие заедници да не треба да ги користат овие аларми и опрема, но сега барем знаат дека не се сами.

Проекти како овие можат да направат голема разлика во моменти на опасност. Ве покануваме да ни се придружите во продолжувањето на опремувањето на израелските заедници со алатки и заштита што спасуваат животи. Заедно, можеме да обезбедиме дека дури и во време на страв, Израелците имаат безбедност, удобност и надеж.

Донирајте денес на: icejmk.org/donate